二十多歲這個年齡，常常令我感到很苦惱。二十多歲的男人女人，正處於「氣質真空期」。他們既已失去十幾歲少男少女的天真瀾漫，卻又未發展出三十歲後的成熟韻味。不論事業、愛情、家庭，二十多歲的人仍在起步、探索、蘊釀。他們帶點殘留的純真，卻又開始學懂了勢利，莽莽撞撞，忐忐忑忑。

二十來歲，高不成，低不就。事業上，還未夠班去處理 managerial grade 所謂的 strategic thinking，但或多或少也要扮自己很有 strategic thinking，務求更上一層樓；低的 execution level 的東西，雖則樓下可能已有一兩個 executor 給你折磨，但礙於這些 executor either是十分 Gen Y 的 fresh grad，either是做了30年的老油條，有時候折磨的可能是自己。愛情上，離離合合，合合離離，看似越來越清楚自己需要一個怎樣的人，但又未至於敢(或還未有能力)為另一半許下甚麼承諾。有時也難怪，連自己明天能否準時起床上班也不敢肯定，又怎叫他們許下甚麼承諾？財力上，買車買樓買番狗，還差一段距離；真的有錢買也只怕是不用供一世也大半世；但又不至於剛畢業年頭只有9700的月薪，可惡的地鐵又取消了你學生的半價優惠，真是乞兒兜裡拿飯吃。

然而，二十來歲，正是這種蛻變中的不安，使我們不斷的成長。人的一生，就是這樣不停的蛻變再蛻變，三十歲也是，四十歲也是。

「二字頭」這條路，我已經走了六年。在這些年頭裡，我撞過不少板，信錯不少人。這些人、這些事，是命中註定，還是「命運在我手」？不知道。只知道我仍會繼續莽莽撞撞，忐忐忑忑，學會的是凡事得從一個幽默的角度去看，做人會舒服好多。常常責怪媽媽為甚麼不把我生得漂亮點，呀，原來上天是公平的，我還有一點點的幽默感。我漸漸發現這顆幽默的心，是學會欣賞的先決條件。有些事，有些人，若非一笑置之，晚上還有覺好瞓嗎？

但每次莽莽撞撞，忐忐忑忑也會比之前的那次醒了一點，幽默一點。

Someone said

Live everyday as if it is the last day of your life

I said

Live everyday as if it is the last day at GZ

我想

有朝一日我離開廣州

我應該也會懷念這個地方

那人潮好像非洲動物大遷徙的廣州東站

那在公車站前臭得不得不閉氣的公廁

那從來都不敢試的"數碼煲仔飯

那大陸同事很愛喝像火水的二窩頭

那因爆水管令地板凸起的家

那5蚊隻戲院未上就有得賣的老翻

那些很煩厭很老土但又很搞笑的大陸廣告

那些像 debate team 的普通話同事

那些我們3個女孩子一齊笑、一齊喊、一齊發夢的時光

Overall, it worths and it's rewarding 

2008年既最後一日，等我做個大事回顧先~

健康 

如果有半個，我會比半個 only. 病左咁多劑都未死，好啦，就比多半個，湊夠一個啦.

麥玲玲講得o岩，話我今年健康好差，真係。

差唔多個個月都病，最勁o個野入埋急症室 tim，問你死未！好彩，死唔去，仲要病親都係痾嘔同瀉，真係慳返唔少力去減肥，抵呀！依家我廣州屋企食得既野最多就係藥，真ga，杯麫都係食淨兩個 jar，哈哈~

財運   

雖則d基金呀股票呀"窄"住晒，不過我諗呢個時勢人人都係咁。

唔計呢d，其實我財運都ok ga。年中加左一次人工，加埋因為 relocate 去廣州d allowance，都 ok la，不過仲未夠供我細佬讀 Master，再儲多2年啦~

年底仲比我發到個聖誕財。上個禮拜去左澳門，贏左 $700，我覺得我好叻女 ga la。不過有人仲犀利，贏左 $3000，但係又唔請我搭直升機返黎 wor......

事業  

今年我被 relocate 左去廣州。其實真係好辛苦， both mentally and physically。唔知點形容，可能真係只有同 china 人共事過既人先知道箇中滋味。放工返去仲要對住四堵牆，真係低d EQ 都會癲。

不過，無論工作上點唔開心，我都真係有學到野既。 China market 真係好唔同，有好多野都改變左我既諗法，開左我既眼界。And, last but no least, 我d普通話都進步唔少啦，我覺得.......

仲有，就係我成功考車啦！我比人炒左諗住去jar貨 van ga，所以都算係事業既一環，哈哈！雖然好多人都唔明點解我會考到，仲叫我拿左牌就好啦，唔好再jar車啦，哈哈！你地放心，我考到完全係技術性擊倒，而且我上個禮拜已經jar 過車啦，係拿左牌之後第一次，冇穿冇爛，包括我 & 乘客 & 車 & 行人，哈哈，在此特別鳴謝車主，其實我睇得出你係好驚既，我想話，我都係！哈哈！

愛情    

哈哈，唔知係咪年頭o係新萄京 (又係澳門，哈哈，其實我唔係咁爛賭 ga jar...) 棵桃花轉過一圈，好似真係幾靈 wor. (不過棵桃花好似係假既，轉完一圈我仲破口大罵 tim，哈哈)

今年，有了你。

除左唔夠細心、唔夠時間陪我、成日都打牌、自我、有佢講冇人講......之外，都冇乜缺點呀~ 有口話人冇口話自己，其實我都缺點一大堆，成日蛇蛇 guai guai、冇主見、自己想點都唔知、又大懵、又易心軟......兩個人相處，就係要你就下我，我就下你 ga la。

多謝你呢年來的遷就和包容。

黎緊 2009，我唔貪心 ga，希望事事順順利利，不過不失，我已經還得神落 ga la~~~